प्रतिनिधी द.महाराष्ट्र न्यूज
जेजुरीत डीपीला चिटकवून एकाचा मृत्यू झाला आहे जेजुरी येथील कडेपठार रोडवर हॉटेल मल्हार एम्पायर समोर
विजेच्या लाईटच्या डीपीला चिकटून एक अनोळखी पुरुष जळत असल्याची माहिती पोलिसांना मिळाल्यानंतर
तात्काळ घटनास्थळी धाव घेण्यात आली
पोलिस व स्थानिक नागरिकांच्या मदतीने संबंधित व्यक्तीस बाजूला काढून तातडीने जेजुरी ग्रामीण रुग्णालयात उपचारासाठी दाखल करण्यात आले डॉक्टरांनी तपासून त्यास मृत घोषित केले.
मृत व्यक्तीचे वय अंदाजे 30 ते 35 वर्षे असून त्याची ओळख अद्याप पटलेली नाही. त्याच्या अंगात काळ्या रंगाचे अर्धवट जळालेले जर्किन आणि पांढऱ्या रंगाची पॅन्ट
आढळून आली आहे. मृतदेहाचे पोस्टमार्टम जेजुरी ग्रामीण रुग्णालयात करण्यात आले आहे
प्रकरणी पोलीस कॉन्स्टेबल हेमंत रमेश भोंगळे यांनी जेजुरी पोलीस स्टेशन येथे खबर दिली असून त्यावरून अकस्मात मृत्यूची नोंद करण्यात आली आहे.
सदर प्रकरणाचा तपास सहाय्यक पोलीस निरीक्षक दीपक वाकचौरे यांच्या मार्गदर्शनाखाली पोलीस हवालदार नांदे हे करीत आहेत.
मृत व्यक्तीबाबत कोणाला काही माहिती असल्यास जेजुरी पोलीस स्टेशनच्या ०२११५ २५३१२९ या संपर्क क्रमांकावर संपर्क साधावा असे आवाहन सहाय्यक पोलीस निरीक्षक दीपक वाकचौरे यांनी केले आहे
मुख्य संपादक – अझीम अत्तार
