प्रतिनिधी द . महाराष्ट्र न्यूज :
दिवे घाट आज ३ तास बंद
पालखीमार्गाचे ब्लास्टिंगद्वारे रुंदीकरणाचे काम पुण्याकडे जाणाऱ्या वाहनांनी कोणत्या मार्गाना जावे ते पहा
आळंदी ते श्रीक्षेत्र पंढरपूर महामार्गाचे रुंदीकरणाचे काम सुरू आहे. रस्तारुंदीकरणाच्या कामासाठी गुरुवारी (५ फेब्रुवारी) दिवे घाट सकाळी ११ ते दुपारी २ या वेळेत वाहतुकीसाठी बंद करण्यात येणार आहे. दिवे घाटात
नियंत्रित स्फोटाद्वारे (ब्लास्टिंग टेक्नॉलॉजी) रुंदीकरण करण्यात येणार आहे. घाटातील डोंगररांगा, कपारीत हे
काम करण्यात येणार आहे. त्यामुळे दिवे घाट गुरुवारी सकाळी ११ ते दुपारी २ या वेळेत बंद ठेवण्यात येणार
आहे. दिवे घाटातून सासवड तसेच पुण्याकडे जाणाऱ्या वाहनांनी कोंढव्यातील बोपदेव घाटमार्गे जावे, असे आवाहन भारतीय राष्ट्रीय महामार्ग. प्राधिकरण आणि
वाहतूक पोलिसांनी केले आहे. सासवड, पुण्याहून दिवे घाटमार्गे जाणारी एसटी बस पीएमपी बससेवा बोपदेव
घाटमार्गे वळविण्यात येणार आहे. वाहनचालकांनी बोपदेव घाटाचा वापर करावा असे आवाहन करण्यात आले आहे
मुख्य संपादक – अझीम अत्तार
