प्रतीनिधी द. महाराष्ट्र न्यूज: श्री क्षेत्र वीर येथे देवाला हळद लावण्याच्या कार्यक्रमाने यात्रेची सुरुवात आज मध्यरात्री लाखो भाविकांच्या उपस्थितीत होणार विवाह सोहळा
श्री क्षेत्र वीर (ता,पुरंदर ) येथील श्रीनाथ म्हस्कोबा व माता जोगेश्वरी यांना मानकरी राऊत यांच्या हस्ते हळद लावण्याचा शुभारंभ करण्यात आला यानंतर गावातील अनेक महिलांनी श्रीनाथ जोगेश्वरी ना हळद लावली. या
हळद लावण्याच्या कार्यक्रमात महिलांना देवाच्या जवळ जाऊन स्वतःच्या हाताने हळद लावता येते त्यामुळे महिलांसाठी हा क्षण आनंददायी असतो शनिवार दि. ३१/०१/२०२६ रोजी पहाटे ५.०० व पूजा होऊन मुख्य गाभारा बंद करण्यात आला. नंतर ६ वा. मुख्य गाभारा
दर्शनासाठी खुला करण्यात आला. सकाळी देवाला अभिषेक घालण्यात आले. दुपारी १२ वा. धुपारती होऊन मुख्य गाभारा बंद करण्यात आला. दुपारी १.१५ मि. मुख्य गाभारा दर्शनासाठी खुला करण्यात आला. दुपारी ३ वा. देवाचे मानकरी समस्त राऊत मंडळी देऊळवाड्यात आले
वाजत गाजत देवाची हळद मंदिरात आणली. विधिवत पूजा होऊन पोशाख व फुलांची मंडवळी देवाला बांधण्यात आली.
श्रीनाथ म्हस्कोबा देवस्थान ट्रस्टमार्फत यात्रा नियोजनाची संपूर्ण तयारी झाल्याचे सांगण्यात आले, तसेच देवाच्या लग्नसोहळ्याची संपूर्ण विधिवत तयारी चालू असल्याचे
मुख्य विश्वस्त मोहनराव रावसाहेब धुमाळ यांनी यावेळी सांगितले.
समस्त मानकरी राऊत, ग्रामपुरोहित मुकादम पाटील गुरव यांच्या सुवासिनींच्या वतीने दुपारी ३.३० वा. देवाला हळद
लावण्यास सुरुवात झाली.सर्व ग्रामस्थ महिला तसेच
बाहेरून आलेल्या महिला भाविकांनी मंदिरात देवाला हळद लावण्यासाठी गर्दी केली होती. सायं. ७ वाजेपर्यंत देवाला हळद लावण्याचा कार्यक्रम सुरु होता. महिला वर्गाने खूप
गर्दी केली होती तसेच देवस्थान मार्फत दर्शनबारी, होमगार्ड व्यवस्था करण्यात आली होती. यावेळी उपविभागीय अधिकारी वर्षा लांडगे विश्वस्त व सल्लागार मंडळ ग्रामस्थ मानकरी, दागीनदार, सालकरी मंडळी उपस्थित होते.
मुख्य संपादक – अझीम अत्तार
