प्रतिनिधी द.महाराष्ट्र न्यूज सासवड येथे पोलिसाचा काळा कारनमा
सासवडमध्ये लाचलुचपत विरोधी विभागाची कारवाई पोलीस हवालदारावर भ्रष्टाचाराचा गुन्हा दाखल
लाचलुचपत प्रतिबंधक विभाग, यांनी सासवड पोलीस
स्टेशनमधील पोलीस हवालदार विकास लक्ष्मण ओमासे (रा रूम नं. 14, दुसरा मजला, आनंद बाग सोसायटी, सोनारी रोड, सासवड) यांच्यावर भ्रष्टाचाराचा गुन्हा नोंदविला आहे
आरोपी हवालदारवर भ्रष्टाचार प्रतिबंधक कलमा अंतर्गत
गुन्हा नोंद करण्यात आला असून, त्याच्यावर लाच मागणी केल्याचा गंभीर प्रकार उघडकीस आला आहे.
सदर प्रकरणात तक्रार करण्यात आले असल्याप्रमाणे
तक्रारदार (वय 39) हा भाजीपाला विक्रीचा व्यवसाय करतो. त्याच्या व वडिलांच्या विरोधात सासवड पोलीस स्टेशन येथे आधीपासून नोंदलेली एन.सी. (गु.र. क्र. 9/2026) आहे. मात्र या एन.सी. मध्ये कारवाई न करता
मदत करण्यासाठी पोलीस हवालदार विकास लक्ष्मण ओमासे यांनी तक्रारदाराकडून लाच मागितल्याची तक्रार 24/12/2025 रोजी लाचलुचपत प्रतिबंधक विभाग, पुणे येथे नोंद करण्यात आली होती.
तक्रारीच्या अनुषंगाने दि. 03/01/2026 रोजी लाचलुचपत प्रतिबंधक विभाग, पुणे यांनी सापळा (sting) योजने अंतर्गत पडताळणी कारवाई केली. त्यावेळी तपासात समोर आले की, सुरुवातीला हवालदारानी
10,000/- (दहा हजार रुपये) लाच मागितली, त्यानंतर तडजोडीअंती 5,000/- (पाच हजार रुपये) स्वीकारावे अशी मागणी केली. असं मिळून आलेल्या पुराव्यांवरून भ्रष्टाचाराचे घट्ट तथ्य निष्पन्न झाले.
लाच मागणी करणाऱ्या आरोपी पोलीस हवालदार विकास लक्ष्मण ओमासे (वय 39) ह्यांना अटक करून सासवड
पोलीस स्टेशन येथे गुन्हा दाखल केला आहे. गुन्हा भ्रष्टाचार प्रतिबंधक अधिनियम 1988 च्या कलम 7 अंतर्गत आहे.
या कारवाईचे नेतृत्व पोलीस निरीक्षक सुहास हट्टेकर यांनी सापळा अधिकारी म्हणून केले, तर तपास अधिकारी म्हणून
श्रीमती आसावरी शेडगे यांनी तपास पुढे नेला.
या कारवाईचे संपूर्ण नियोजन व मार्गदर्शन पोलीस उपआयुक्त/पोलीस अधीक्षक शिरीष सरदेशपांडे, अपर
पोलीस अधीक्षक अजीत पाटील व अर्जुन भोसले यांच्या देखरेखीखाली लाचलुचपत प्रतिबंधक विभाग यांनी केले आहे.
मुख्य संपादक – अझीम अत्तार
