प्रतिनिधी द.महाराष्ट्र न्यूज : महाराष्ट्रात गुटखा, पानमसाला व सुगंधित तंबाखूच्या विक्रीवर बंदी असतानाही सासवड शहरातील काही पानटपऱ्यांवर विमल गुटख्याची लपूनछपून विक्री सुरू असल्याचा आरोप नागरिकांकडून करण्यात येत आहे. उघडपणे विक्री न करता मागणी
करणाऱ्या ग्राहकांना गुप्तपणे गुटखा दिला जात असल्याची चर्चा शहरात सुरू आहे.
स्थानिक नागरिकांच्या म्हणण्यानुसार, काही टपरीचालक ग्राहकांच्या ओळखीच्या आधारे किंवा संकेत मिळाल्यानंतरच गुटख्याची विक्री करतात. त्यामुळे संबंधित विक्रेत्यांवर कारवाई होत नसल्याचा आरोपही नागरिकांनी केला आहे
गुटखा सेवनामुळे कर्करोगासह अनेक गंभीर आजारांचा धोका वाढत असल्याने शासनाने त्याच्या विक्रीवर बंदी घातली आहे. तरीही अशा प्रकारे नियमांचे उल्लंघन करून विक्री होत असल्यास संबंधितांवर कठोर कारवाई करावी
अशी मागणी नागरिकांनी अन्न व औषध प्रशासन पोलिस आणि स्थानिक प्रशासनाकडे केली आहे.
सासवड शहरातील पानटपऱ्यांची अचानक तपासणी करून बंदी असलेल्या तंबाखूजन्य पदार्थांचा साठा जप्त करावा
तसेच दोषी आढळणाऱ्या विक्रेत्यांवर कायदेशीर कारवाई करावी अशी मागणी केली आहे
(टीप : ही बातमी नागरिकांकडून करण्यात आलेल्या आरोपांवर आधारित आहे. संबंधित प्रशासनाकडून अधिकृत माहिती किंवा कारवाई झाल्यानंतर त्यानुसार पुढील वृत्त प्रसिद्ध करण्यात येईल.)
मुख्य संपादक – अझीम अत्तार
