प्रतिनिधी द महाराष्ट्र न्यूज :
हुक्का पार्लरवर पोलिसांचा छापा
बेकादेशीररित्या हुक्का पार्लर सुरू असलेल्या पुरंदर तालुक्यातील भिवरी येथील मेहफील हॉटेलवर सासवड पोलिसांनी छापा टाकला. याप्रकरणी हुक्का पिणाऱ्या चार जणांना ताब्यात घेत हॉटेल मालकावर गुन्हा दाखल करण्यात आला. ही कारवाई मंगळवारी (दि ९) रोजी करण्यात आलीयं
तन्मय कृष्णा झेंडे (रा. दिवे, ता. पुरंदर), प्रथमेश महेश बोरकर (रा. आंबोडी, ता. पुरंदर), अभय अंकुश कांबळे व प्रवीण संग्राम दवलवाड (दोघे रा. काळेवाडी, ता. पुरंदर) अशी ताब्यात घेतलेल्या चौघांची नावे आहेत
हॉटेलमालक युवराज बाळासाहेब रोमण
(रा. पिंपळे, ता. पुरंदर) याच्यावर गुन्हा दाखल करण्यात आला आहे पोलिस कर्मचारी तुषार बाळू लोंढे यांनी सासवड पोलिस ठाण्यात याबाबत फिर्याद दिली.
सासवड पोलिसांनी दिलेल्या माहितीनुसार भिवरी येथील मेहफील हॉटेलमध्ये अवैधरित्या हुक्का पार्लर सुरू असल्याची
माहिती पोलिस निरीक्षक ऋषिकेश अधिकारी यांना मिळाली. त्यानुसार पोलिस पथकाने हॉटेलवर छापा टाकला. या वेळी दोन टेबलवर ४ जण हुक्का पित
असल्याचे दिसून आले. त्यानुसार पोलिसांनी चौघांना ताब्यात घेत ४,५०० रुपयांचा मुद्देमाल जप्त केला असून हॉटेल मालकावर गुन्हा दाखल केला आहे
पुढील तपास पोलीस निरीक्षक ऋषिकेश अधिकारी करीत आहेत
मुख्य संपादक – अझीम अत्तार
