प्रतिनिधी द.महाराष्ट्र न्यूज:अखंड महाराष्ट्राचे कुलदैवत असलेल्या खंडोबा देवाच्या जेजुरी शहरात दोन महिन्यांपूर्वी घडलेल्या मारहाण व दुकान तोडफोड प्रकरणातील पाच आरोपींना अखेर जेजुरी पोलीस स्टेशन पोलिसांनी अटक केली आहे. या कारवाईमुळे परिसरातील नागरिकांमध्ये समाधान व्यक्त होत आहे.
पोलिसांनी अटक केलेल्या आरोपींमध्ये स्वप्नील जयेंद्र कांबळे (वय ३३, रा. , दिघी पुणे), प्रणय राजू पाटोळे (वय २६), यश राजू पाटोळे (वय १९, रा. काळेवाडी पुणे),
सुधीर बाळू पाटोळे (वय ३४) आणि सूरज बाळू पाटोळे
(वय २५, रा. मरकळ पुणे) यांचा समावेश आहे.
पोलीसां कडून मिळालेल्या माहितीनुसार, जेजुरी येथील
गडाच्या पायथ्याशी असलेल्या नंदी चौकात महादेव वाघमारे यांचे भंडार-खोबरे व पेढे विक्रीचे दुकान आहे. ३१
जानेवारी २०२६ रोजी काही भाविक दुकानासमोर आले आणि त्यांनी तेथे आपल्या पायातील चपला ठेवण्याचा आग्रह धरला. यावेळी दुकानदार महादेव वाघमारे यांनी दुकानासमोर चपला ठेवू नका, ज्या ठिकाणी तुम्ही भंडार
खोबरे घेतले आहे तेथे चपला ठेवा असे सांगितले
या कारणावरून दुकानदार आणि भाविक यांच्यात वाद झाला. त्यानंतर आरोपींनी जमाव जमवून दुकानदार वाघमारे यांना दांडक्याने व हातापायाने मारहाण केली
तसेच दुकानातील भंडार-खोबरे व पेढे फेकून देत दुकानाची तोडफोड करून तेथून पळ काढला.
दरम्यान, या घटनेचा व्हिडिओ सोशल मीडियावर तसेच टीव्ही चॅनलवर व्हायरल झाल्याने परिसरात मोठी चर्चा आणि घबराट निर्माण झाली होती. त्यानंतर १ फेब्रुवारी
रोजी फिर्यादी महादेव वाघमारे यांनी जेजुरी पोलीस स्टेशन येथे अज्ञात व्यक्तींविरोधात तक्रार दाखल केली.
पोलिसांनी व्हायरल व्हिडिओचा तपास करून संशयित
आरोपींचे फोटो व्हॉट्सअप ग्रुपवर प्रसारित केले. तसेच
गोपनीय माहितीच्या आधारे शोधमोहीम राबवून पाच आरोपींना ताब्यात घेण्यात आले
या प्रकरणाचा पुढील तपास सहाय्यक पोलीस निरीक्षक दिपक वाकचौरे यांच्या मार्गदर्शनाखाली सहायक पोलिस फौजदार नंदकुमार पिंगळे करत आहेत
मुख्य संपादक – अझीम अत्तार
