प्रतिनिधी द.महाराष्ट्र न्यूज :
जुन्नर आणि नारायणगाव येथे घरफोडी करून फरार झालेल्या चोरट्याला स्थानिक गुन्हे शाखा व नारायणगाव
पोलिस ठाण्याच्या संयुक्त पथकाने अटक केली
आरोपीकडून तीन घरफोडीतील १६ तोळे सोन्याचे, ८४१
ग्रॅम चांदीचे दागिने, रोख रक्कम, दुचाकी असा एकूण १४ लाख ३७हजार ६५० रुपयांचा मुद्देमाल हस्तगत केला आहे.
विशाल दत्तात्रय तांदळे (वय २८ सध्या रा. मंचर ता. आंबेगाव, मूळ रा. पाटेगाव ता. कर्जत जि. अहिल्यानगर) असे अटक केलेल्या आरोपीचे नाव आहे. दरम्यान
पाटबंधारे विभागातील निवृत्त विष्णू भागूजी सांगडे (वय ६२ रा. वैभवलक्ष्मी सोसायटी, विटेमळा, नारायणगाव ता. जुन्नर) यांनी फिर्याद दिली होती. त्यानुसार, सांगडेंनी
दिवाळीसाठी बँकेतील दागिने घरी आणून कपाटात ठेवले होते. ते १४ ऑक्टोबरच्या पहाटे हे कुटुंब नारायणगावचे
ग्रामदैवत मुक्ताबाई देवीच्या काकड आरतीसाठी गेले होते. त्यावेळी आरोपीने कुलूप तोडून घरातील सोने, चांदीचे
दागिने व रोख रक्कम असा एकूण ११ लाख २० हजारांचा मुद्देमाल चोरून नेला होता.
या गुन्ह्याचा तपास करताना स्थानिक गुन्हे शाखा व नारायणगाव पोलिसांनी सीसीटीव्ही फुटेजच्या आधारे
चोराच्या दुचाकीचा माग काढला. त्या आधारे तांदळे याला ताब्यात घेऊन चौकशी केली. त्याने नारायणगाव येथे जुन्नर परिसरात तीन
घरफोड्या केल्याची कबुली दिली. त्याकडून या तीन घरफोड्यांतील १४ लाख ३७ हजार ६५० रुपये किमतीचा मुद्देमाल हस्तगत केला आहे
सदरची कामगिरी पोलीस अधीक्षक संदीप सिंह गिल्ल पुणे ग्रामीण अपर पोलीस अधीक्षक रमेश चोपडे पुणे विभाग उपविभागीय पोलीस अधिकारी धनंजय पाटील, जुन्नर विभाग, यांचे मार्गदर्शनाखाली स्थानिक गुन्हे शाखेचे
पोलीस निरीक्षक अविनाश शिळीमकर, नारायणगाव पो स्टे चे सपोनि प्रविण सांग स्था.गु.शा.चे सपोनि महोदव शेलार
पोलीस अंमलदार दिपक साबळे, राजू मोमीन संदिप वारे अक्षय नवले, नारायणगाव पो स्टे चे पोसई सोमश्वर शेटे
पोलीस अंमलदार मंगेश लोखंडे, सत्यम केळकर, सोमनाथ डोके निलेश जाधव यांनी केली आहे
मुख्य संपादक – अझीम अत्तार
