प्रतिनिधी द. महाराष्ट्र न्यूज : एकीकडे लाडक्या बाप्पाला निरोप देण्याची तयारी सुरू गणेश मंडळात संध्याकाळी
विसर्जनाच्या आदल्या दिवशीची आरती सुरू होती. तर दुसरीकडे नाना पेठ परिसरात गोळीबाराचा आवाज होतो. ही घटना घडली पुण्यात. राष्ट्रवादीचा माजी नगरसेवक वनराज आंदेकरच्या खुनाचा बदला घेण्यासाठी आंदेकर टोळीने सख्या भाच्याचा खून केला. पण ही हत्या होण्या आधी आंदेकर टोळीने ४ दिवसांआधी असाच प्रयत्न केला होता
एखाद्या सिनेमाला लाजवेल अशी घटना पुण्यात घडली
आहे. वनराज आंदेकर हत्या प्रकरणातला आरोपी गणेश कोमकर याचा मुलगा आयुष कोमकर याची आंदेकर टोळीने गोळ्या झाडून हत्या केली. ही घटना नाना पेठ
परिसरात घडली आहे. २०२४ मध्ये याच परिसरात वनराजची हत्या करण्यात आली होती. त्यानंतर वर्षभरानंतर ठिकाणही तेच निवडलं आणि आंदेकर टोळीने आयुषवर ३ गोळ्या झाडून खून केला
४ दिवसांपूर्वी म्हणजे १ सप्टेंबर रोजी आंदेकरच्या हत्येचा बदला घेण्यासाठी आंदेकर टोळीने एक प्लॅन रचला होता
पण या पोलिसांनी याची कुणकुण लागली. पोलिसांनीही सगळ्यांवर नजर ठेवली आणि आंदेकर टोळीचा डाव हाणून पाडला. त्याचं घडलं असं की कृष्णा आंदेकरने
रुमसाठी 5000 रुपये देऊन काळे याला मोहितेसोबत आंबेगाव पठार परिसरात पाठवलं होतं. त्यानंतर 30 ऑगस्ट रोजी रात्री 10 वाजता काळेनं वनराज यांचा खून
करणाऱ्या आरोपींच्याघराचे रेकी केली अन् घरं पाहिली. त्याची माहिती काळेने कृष्णाला व्हॉट्सअॅप कॉलद्वारे दिली. त्या वेळी कृष्णाने अमनला पाठवतो असं काळेला कळवलं. मात्र, अमन आला नाही. त्यामुळे दुसऱ्या दिवशी सकाळी काळेनं परत कृष्णाला वारंवार फोन केल्याचं पोलिसांच्या तपासात समोर आलंय
मुख्य संपादक – अझीम अत्तार
