प्रतिनिधी द .महाराष्ट्र न्यूज शुक्रवारी (दि. २६) रात्री सुमारे १०.४५ वाजण्याच्या सुमारास झालेल्या भीषण अपघातात दुचाकीस्वाराचा मृत्यू झाला. भरधाव व बेदरकारपणे कार चालविल्याने हा अपघात घडल्याचा आरोप असून
कारचालकाविरुद्ध सासवड पोलिस ठाण्यात गुन्हा दाखल करण्यात आला आहे.
याबाबत पोलिसांनी दिलेल्या माहितीनुसार, फिर्यादी कृष्णा शाम मोहरकर (वय ३५, रा. शुक्रवार पेठ, पुणे, मूळ रा. जेजुरी, ता. पुरंदर) यांनी तक्रार दिली आहे. त्यानुसार संशयित आरोपी गणेश यशवंत चौलकर (वय ३८, रा. पेन कोळीवाडा, ता. पेन, जि. रायगड) याने त्याच्या ताब्यातील टोयोटा हायरायडर (एमएच ४० सीक्यू ४०४०) ही कार
पुणेहून सासवडकडे येत असताना अतिवेगाने आणि निष्काळजीपणे चालवून समोरून येणाऱ्या एमएच १२ एनएन ७०९१ क्रमांकाच्या दुचाकीला जोरदार धडक दिली.
या अपघातात दुचाकीस्वार विशाल शाम मोहरकर यांना गंभीर दुखापत होऊन त्यांचा मृत्यू झाला.
तसेच अपघातात टोयोटा हायरायडर कार, दुचाकी आणि एमएच १२ वायडी ५५०३ क्रमांकाच्या बलेनो कारचेही नुकसान झाले.
या प्रकरणी सासवड पोलिस ठाण्यात गुन्हा रजिस्टर क्रमांक
२९३/२०२६ अन्वये भारतीय न्याय संहिता कलम १०६(१) २८१, १२५(अ), १२५(ब) तसेच मोटार वाहन कायदा कलम १८४ अंतर्गत कारचालक गणेश चौलकर याच्याविरुद्ध गुन्हा दाखल करण्यात आला आहे
पुढील तपास वरिष्ठ पोलीस निरीक्षक संतोष घोळवे यांच्या मार्गदर्शनाखाली हवालदार शिंदे करीत आहेत
मुख्य संपादक – अझीम अत्तार
