प्रतिनिधी द महाराष्ट्र न्यूज:
अवैध जुगार व्यवसायाविरोधात जेजुरी पोलिसांनी धडक कारवाई करत जेजुरी बाजारतळ परिसरात सुरू असलेला मुंबई राजधानी मटका जुगार अड्डा उद्ध्वस्त केला. या कारवाईत एका आरोपीला ताब्यात घेण्यात आले असून रोख रक्कम आणि जुगाराचे साहित्य जप्त करण्यात आले आहे.
पोलिसांनी दिलेल्या माहितीनुसार, दि. 19 जून 2026 रोजी सायंकाळी साडेसहा वाजण्याच्या सुमारास जेजुरी बाजारतळ परिसरात अवैधरित्या मटका जुगार सुरू
असल्याची माहिती पोलिसांना मिळाली होती. त्यानुसार तातडीने छापा टाकण्यात आला. यावेळी परशुराम गंगाराम खोमणे (वय 32 रा. मावडी ता. पुरंदर, जि. पुणे) हा मुंबई
राजधानी मटका नावाचा जुगार खेळविताना रंगेहाथ आढळून आला.
कारवाईदरम्यान आरोपीकडून 1 हजार 200 रुपयांची रोख रक्कम, जुगाराच्या नोंदीसाठी वापरले जाणारे कोरे पुस्तक आणि बॉलपेन असा एकूण 1 हजार 210 रुपयांचा मुद्देमाल
जप्त करण्यात आला. पोलिसांनी आरोपीविरुद्ध महाराष्ट्र जुगार प्रतिबंधक कायदा कलम 12 (अ) अंतर्गत गुन्हा दाखल केला आहे.
या प्रकरणी पोलीस कॉन्स्टेबल मारुती लालासो करडे यांनी फिर्याद दिली असून गुन्हा रजिस्टर क्रमांक 160/2026 नुसार नोंद करण्यात आली आहे. या कारवाईची नोंद
दाखल अंमलदार व तपासी अंमलदार सहायक फौजदार पिंगळे यांनी केली असून कारवाई पोलीस निरीक्षक रवींद्र पाटील यांच्या मार्गदर्शनाखाली पार पडली
जेजुरी परिसरात अवैध धंद्यांविरोधात पोलिसांनी उघडलेली मोहीम अधिक तीव्र करण्यात आली असून मटका, जुगार
अवैध मद्यविक्री आणि इतर बेकायदेशीर व्यवसायांवर
कठोर कारवाई सुरू राहणार असल्याचे पोलिसांकडून सांगण्यात आले. या कारवाईमुळे अवैध धंदे
चालविणाऱ्यांमध्ये खळबळ उडाली असून कायद्याचा धाक पुन्हा एकदा अधोरेखित झाला आहे.
मुख्य संपादक – अझीम अत्तार
