प्रतिनिधी द.महाराष्ट्र न्यूज :
दिवे घाट, पालखी महामार्ग बायपास आणि सासवड शहरात मध्यरात्रीच्या सुमारास हातात कोयते नाचवत
गाड्यांचे सायलेन्सर फटाक्यांसारखे वाजवत आणि वाहतुकीच्या नियमांचे उल्लंघन करत दहशत माजवणाऱ्या ४० ते ५० अज्ञात बुलेट व दुचाकीस्वारांवर सासवड पोलीस स्टेशनमध्ये गुन्हा दाखल करण्यात आला आहे. या
हुल्लडबाजांच्या दहशतीमुळे पालखी महामार्गावरील चहा व स्नॅक्स चालकांनी आपली दुकाने धास्तीने बंद केली होती.
पोलीसां कडून
मिळालेल्या माहितीनुसार, १३ मे २०२६ च्या रात्री सासवड पोलीस ठाण्याचे पोलीस कॉन्स्टेबल सागर कोरडे आणि सहाय्यक पोलीस निरीक्षक वैभव सोनवणे हे दिवे घाट ते
सासवड परिसरात पेट्रोलिंग करत होते. यादरम्यान, पालखी महामार्ग बायपासवर ४० ते ५० बुलेटस्वार आणि इतर दुचाकीस्वारांनी बेकायदेशीर जमाव जमवला असून, ते
हातामध्ये कोयते घेऊन आणि गाड्यांचे कर्कश आवाज काढून दहशत माजवत असल्याची माहिती पोलिसांना मिळाली.
पोलीस पथक तातडीने घटनास्थळी पोहोचले असता, पोलिसांना पाहताच हे हुल्लडबाज अंधाराचा फायदा घेऊन भरधाव वेगाने सासवडच्या अंतर्गत रस्त्यांनी पळून गेले
पोलिसांनी महामार्गावरील चहा व स्नॅक्सच्या गाड्यांकडे चौकशी केली असता, या टोळक्याच्या दहशतीमुळे त्यांनी आपली दुकाने बंद केल्याचे समोर आले.
१४ मे रोजी सोशल मीडियावर एक व्हिडिओ व्हायरल झाला, ज्यामध्ये हे अज्ञात बुलेटस्वार मध्यरात्रीच्या सुमारास दिवे घाटात हातामध्ये कोयते हवेत फिरवताना आणि बुलेट रेस करून सायलेन्सरमधून फटाक्यांसारखे आवाज
काढताना दिसत होते. पेट्रोलिंग दरम्यान पळून गेलेले बुलेटस्वार हेच असल्याचे निष्पन्न झाल्यानंतर पोलीस कॉन्स्टेबल सागर कोरडे यांनी स्वतः सासवड पोलीस ठाण्यात फिर्याद दिली.
सार्वजनिक ठिकाणी शांतता भंग करणे, बेकायदेशीर जमाव जमवणे आणि घातक शस्त्रे बाळगल्याप्रकरणी पोलिसांमार्फत कडक पावले उचलण्यात आली आहेत
• भारतीय न्याय संहिता (BNS) २०२३: कलम १८९(२), १९१(२), १९१(३), १९०, २८१, २८५
• महाराष्ट्र पोलीस कायदा (१९५१): कलम ११०, ११२
११७, १३५
• आर्म्स ॲक्ट (शस्त्र कायदा): कलम ४(२५)
• मोटार वाहन कायदा: कलम १८४ या कलमांनुसार गुन्हा दाखल करण्यात आला आहे
या घटनेचा पुढील तपास महिला पोलीस उपनिरीक्षक (मपोसई) पाटील करत आहेत
मुख्य संपादक – अझीम अत्तार
