प्रतिनिधी द. महाराष्ट्र न्यूज :आषाढी वारीच्या पार्श्वभूमीवर सासवड शहरात वाहतूक सुरळीत ठेवण्यासाठी सासवड पोलीस स्टेशनचे पोलीस निरीक्षक संतोष घोळवे यांनी केलेल्या नियोजनामुळे नागरिकांसह वारकऱ्यांची मोठी
गैरसोय टळली. विशेष म्हणजे, पीएमटी (पुणे महानगर परिवहन) अधिकाऱ्यांनी वाहतुकीचे नियोजन प्रभावीपणे राबवून प्रशासनाला मोलाचे सहकार्य केले. त्यांच्या तत्परतेमुळे वाहतुकीचा ताण कमी होण्यास मोठी मदत झाली.
याचबरोबर सासवड येथील हॉटेल मोहिनी प्रशासनानेही सामाजिक जबाबदारीची जाणीव ठेवत आपल्या परिसरात स्वतंत्र पार्किंगची व्यवस्था नव्याने तयार केली. वाहनचालकांना पार्किंगबाबत कोणताही संभ्रम राहू नये
यासाठी स्पष्ट दिशादर्शक फलकही लावण्यात आले. या उपक्रमामुळे रस्त्यावर होणारी अनधिकृत पार्किंग कमी होण्यास मदत झाली आणि वाहतुकीचे नियोजन अधिक शिस्तबद्ध झाले.
वारकऱ्यांची मोठी गर्दी, भाविकांची ये-जा आणि वाढलेली वाहनांची संख्या लक्षात घेता प्रशासन पोलीस पीएमटी अधिकारी तसेच स्थानिक व्यावसायिक यांनी परस्पर
समन्वयातून केलेले नियोजन कौतुकास्पद ठरले
नागरिकांनीही या उपक्रमांचे स्वागत करत संबंधित अधिकारी व हॉटेल मोहिनी व्यवस्थापनाचे अभिनंदन केले.
सामाजिक बांधिलकी जपत सार्वजनिक हितासाठी केलेले हे सहकार्य इतर व्यावसायिक व संस्थांसाठीही प्रेरणादायी ठरत असल्याची भावना अनेक नागरिकांनी व्यक्त केली
मुख्य संपादक – अझीम अत्तार
