प्रतिनिधी द महाराष्ट्र न्यूज : सासवड, ता. पुरंदर (दि. 18 जून 2026): सासवड पोलिसांनी मटका जुगाराविरोधात कारवाई करत दोन जणांविरुद्ध महाराष्ट्र जुगार प्रतिबंधक
अधिनियम कलम 12(अ) अंतर्गत गुन्हा दाखल केला आहे. या कारवाईत रोख रक्कम व जुगार साहित्य असा एकूण 2,660 रुपयांचा मुद्देमाल जप्त करण्यात आला
पोलिसांनी दिलेल्या माहितीनुसार, 18 जून सायंकाळी सुमारे 5.50 वाजण्याच्या सुमारास सासवड शहरातील
जेजुरी नाका परिसरात माने हॉस्पिटलच्या मागील बाजूस असलेल्या पत्र्याच्या शेडमध्ये काही व्यक्ती कल्याण स्टार मटका नावाचा जुगार कागदी चिठ्ठ्यांच्या माध्यमातून चालवत असल्याची माहिती मिळाली होती. त्यानुसार सासवड पोलिसांनी छापा टाकला
या कारवाई दरम्यान सुरज विश्वास जाधव (वय 31 रा. इंदिरानगर, सासवड) आणि अशोक मारुती दळवी (वय 55, रा. इंदिरानगर, सासवड) हे दोघे वेगवेगळ्या ग्राहकांकडून मटक्याचे आकडे स्वीकारून त्यांची देवाणघेवाण करताना आढळून आले. पोलिसांनी त्यांच्याकडून रोख रक्कम तसेच जुगाराशी संबंधित साहित्य जप्त केले
या प्रकरणी पोलीस कॉन्स्टेबल बापुराव तात्याराम म्हेत्रे सासवड पोलीस स्टेशन यांनी सरकारतर्फे फिर्याद दिली असून, त्यावरून गुन्हा रजिस्टर क्रमांक 270/2026 अन्वये महाराष्ट्र जुगार प्रतिबंधक अधिनियम कलम 12(अ) अंतर्गत गुन्हा दाखल करण्यात आला आहे.
सदर गुन्ह्याची नोंद 18 जून 2026 रोजी रात्री 8.44 वाजता करण्यात आली. प्रकरणाचा पुढील तपास पोलीस उपनिरीक्षक जाधव करीत असून
कारवाई प्रभारी पोलीस निरीक्षक घोळवे यांच्या मार्गदर्शनाखाली करण्यात आली.
अवैध जुगार व्यवसायाविरोधातील कारवाई अधिक तीव्र करण्याचा इशारा पोलीस निरीक्षक संतोष घोळवे यांनीदिला असून अशा प्रकारच्या बेकायदेशीर कृत्यांविरोधात नागरिकांनी माहिती देण्याचे आवाहनही त्यांनी केले आहे
मुख्य संपादक – अझीम अत्तार
