प्रतिनिधी द.महाराष्ट्र न्यूज सासवड शहरात मॉडिफाइड सायलेंसर लावून कर्णकर्कश आवाजात “फटाके” फोडणाऱ्या बुलेट आणि इतर दुचाकी वाहनांमुळे नागरिक हैराण झाले आहेत. विशेषतः रात्रीच्या वेळी भरधाव वेगाने
जाणारी ही वाहने मोठा आवाज करत असल्याने ज्येष्ठ नागरिक, विद्यार्थी, रुग्ण तसेच सर्वसामान्य नागरिकांना मोठा त्रास सहन करावा लागत आहे.
नागरिकांच्या म्हणण्यानुसार, काही वाहनचालक सायलेंसरमध्ये अनधिकृत बदल करून मुद्दाम मोठा आवाज निर्माण करतात. यामुळे ध्वनीप्रदूषण वाढत असून
परिसरातील शांतता भंग होत आहे. शाळा, रुग्णालये आणि निवासी भागांमध्येही अशा वाहनांचा त्रास वाढल्याची तक्रार आहे.
सासवड पोलिसांनी विशेष मोहीम राबवून अशा वाहनांवर कठोर कारवाई करण्याची मागणी केली आहे. नियमबाह्य
सायलेंसर वापरणाऱ्या वाहनचालकांवर दंडात्मक कारवाई करून ध्वनीप्रदूषणाला आळा घालावा अशी नागरिकांची अपेक्षा आहे.
नागरिकांचे म्हणणे आहे की वाहतूक नियमांचे पालन करणाऱ्या वाहनधारकांना कोणताही त्रास न देता केवळ
कर्णकर्कश आवाज निर्माण करणाऱ्या आणि सार्वजनिक शांततेला बाधा आणणाऱ्या वाहनांवर कठोर कारवाई झाली पाहिजे. त्यामुळे सासवड शहरातील नागरिकांना दिलासा मिळू शकतो.
मुख्य संपादक – अझीम अत्तार
