प्रतिनिधी द. महाराष्ट्र न्यूज :
सासवड नगरपरिषदेचे चित्र आज होणार स्पष्ट
सासवड नगरपरिषद निवडणुकीसाठी उमेदवारी अर्ज मागे
घेण्याचा अखेरचा दिवस शुक्रवार (दि. २१) आहे
माघारीनंतरच निवडणुकीचे अंतिम चित्र स्पष्ट होणार आहे. निवडणुकीसाठी सर्वच राजकीय पक्ष सज्ज झाले आहेत. काही अपक्षांनीही निवडणुकीची तयारी केली आहे सासवड
शहरात आचारसंहितेचा भंग होत आहे. अनेक कार्यालयावर गाड्यांवर पक्षाचे चिन्ह लावण्यात आले आहे अपक्ष उमेदवारांना
नियमावली दाखवणारे निवडणूक कर्मचारी मोठ्या पक्षाच्या कार्यकर्त्यांवर कारवाई करत नसल्याचे चित्र आहे. आचारसंहितेचा भंग होत असतानाही नगरपालिकेचे
कर्मचारी त्याकडे काणाडोळा करीत आहेत. दोन डिसेंबर रोजी होणाऱ्या नगरपरिषदेच्या निवडणुकीसाठी सर्वच
राजकीय पक्ष ताकदीने उतरले आहेत. पक्षाचे चिन्ह लावून वाहने फिरवली जात आहेत. अनेक प्रभागात आर्थिक
उलाढाल होत आहे, त्यास आळा घालण्यात निवडणूक यंत्रणा कमी पडली आहे. काळ्या काचा असलेल्या गाड्या सर्रासपणे शहरात फिरत असूनही त्यावर पोलिसांनी कारवाई केलेली नाही. निर्भयपणे निवडणूक पार
पाडण्यासाठी शासनाने यंत्रणा कार्यरत करावी अशी मागणी होत आहे सासवड शहराच्या चारही दिशेला
निवडणूक कार्यालयातर्फे तपासणी नाके उभारण्यात आले
आहेत. परंतु, तेथील कर्मचारी बड्यांच्या तसेच विशिष्ट
क्रमांक असलेल्या गाड्या न तपासता सोडत आहेत
मुख्य संपादक – अझीम अत्तार
